Til Hamingju með síðuna!

Ég er ekkert smá ánægð með þessa síðu.frábært að hafa svona,
við erum par með barn, byrjuð að plana flutning til noregs í janúar
Rosa spennt..væri gaman að heyra í öðrum sem eru að fara út.

Hæ hæ, við erum líka að spá í að flytja til Noregs
Maðurinn minn er að vinna í því núna að redda vinnu og ef allt gengur vel myndi hann fara út í janúar og svo kæmum við öll saman með Norrænu í apríl.
Bróðir mannsins míns býr nálægt Oslo og við værum helst til í að vera í sama bæ og hann eða þá einhvers staðar í Suður Noregi.
Við eigum tvo stráka og þeir verða 1 og hálfs og 2 og hálfs árs gamlir
Eruð þið komin með vinnu?
Hvað er barnið ykkar gamalt?
Veistu hvernig leikskólarnir eru þarna úti?
Hvar í Noregi verðið þið?
Nokkrar spurningar hehe...

Kv. Elsa.

Hæ gaman að heyra að það séu fleirri í þessum pælingum!
En nei erum ekki komin með vinnu,en erum alveg á fullu að senda ferilskrár og fá upplýsingar um vinnu!
Strákurinn er 6 ára,þannig að hann fer beint í skóla þegar við komum út..og ég er ekkert að stressa mig á því,hef fengið þær upplýsingar að um leið og hann fer í skóla í noregi verður hann settur á tungumálanámskeið í skólanum og svo verður hann settur inní námsefnið! fannst það alveg frábært
En við förum bara þangað sem að vinna býðst! ætlum reyndar ekki að vera fyrir norðan..okkur langar að vera nálægt osló,þrátt fyrir að leigan sé hæðst þar!
Við hvað er maðurinn þinn að vinna?
Hefur hann fengið einhver svör um vinnu?

Þetta er mjög svipað hjá okkur, erum á fullu að sækja um vinnu fyrir manninn minn sem er málarameistari og svo ætla ég að sækja um vinnu þegar við vitum hvar við verðum.
Maðurinn minn er búinn að fara í viðtal hjá atvinnumiðlun sem var hér á landi um helgina og þeir eru að vinna í því að finna e-ð við hæfi.
Við erum orðin svo spennt fyrir þessu, held að þetta verði frábær lífsreynsla þó þetta verði ábyggilega svolítið erfitt fyrst.
Strákurinn ykkar verður ábyggilega enga stund að ná norskunni, það er ótrúlegt hvað börn eru fljót að ná nýju tungumáli.
Ég hef líka heyrt að það sé frítt fyrir fólk frá hinum Norðurlöndunum að fara á norskunámskeið, við ætlum pottþétt að nýta okkur það
Hvernig starfi eru þið að leita að?
Ætlið þið að taka gám fyrir búslóðina?

Elsa skrifaði:Ég hef líka heyrt að það sé frítt fyrir fólk frá hinum Norðurlöndunum að fara á norskunámskeið, við ætlum pottþétt að nýta okkur það

Leiðinlegt en satt að norskukennsla er víst ekki lengur frí fyrir fólk frá Norðurlöndunum

já hann fór einmitt líka í viðtal hja atvinnumiðlun, ég er líka ekkert að stressa mig á vinnu fyrir mig sjálfa ! allavega ekki fyrr en við erum búin að koma okkur fyrir
Hann er að leita af gröfuvinnu,eða bara einverju í jarðvinnu flokknum,.
og varðandi að taka búslóðina með, þá held ég að við ætlum að reyna skilja það sem er ekki nauðsynlegt hérna eftir heima
það er svo rosalega dýrt að fá gám :/ svo er bara að reyna losa sig við bílinn! gangi okkur vel hehe

Við erum á norsku námskeiði hjá mímir símenntun..byrjenda námskeiði! alveg rosalega gaman,,

Jæja þá er það komið á hreint! við flytjum út í janúar:D
Kallinn komin með vinnu í stavanger! og ætlar vinnuveitandi hans að redda mér vinnu þarna úti! hann er búin að redda okkur íbúð
og ætlar að hjálpa okkur með allt

Vildi bara deila þessu með ykkur! ég er svo spennt :D

Snilld! Maðurinn minn var líka að fá vinnu í Stavanger!!! Fyndið
Til hamingju með þetta og frábært að vinnuveitandi hans ætli að redda þér vinnu líka.
Hvar fenguð þið íbúð og vitið þið hvað leigan er há?
Maðurinn minn fer út 15. janúar og svo komum við öll í byrjun apríl, erum orðin mjög spennt

vá frábært hann er úti núna í stavanger, vinnuveitandi hans bauð honum út í 3 daga og eru þeir á fullu að skoða íbúðir. þannig að það er ekki alveg komið í ljós hvaða íbúð við fáum, en við höfum ekki efni á að borga meir en 6000 nok
það er nefnilega alveg hræðilega dýrt að leigja þarna! hann var að skoða eina kjallaríbúð í dag,hún er svoldið lítil en samt alveg mönnum bjóðandi,og ef að við fáum hana þá erum við bara að borga 3500 á mánuði en maðurinn sem hann er hjá núna sagði við hann að það er örugglega miklu ódýrar að skilja búslóðina eftir heima og kaupa nýtt bara í ikea! :/ en við ætlum að skoða þetta allt vel og vandlega!

Gaman að hafa eitthvern til þess að tala við sem er að fara á sama stað

Já, þetta er víst með dýrari stöðum til að leigja á í Noregi. En ætli þetta sé nokkuð svo dýrt miðað við hvernig leiguverðið er búið að vera hér á Íslandi?
Við eigum líka eftir að athuga hvað kostar að senda með gámi eða bretti.
Úff... það er sko í nógu að snúast þessa dagana

þá er búið að panta flug! förum 3 janúar! þurfum ekki að taka nein húsgögn með,ekki nema við viljum! því þau ætla að redda okkur öllu,jafnvel eldhúsáhöldum við erum rosa heppin með það, kostnaðurinn minnkaði sko helling við það
núna er bara verið á fullu í því að finna alla pappíra og vesenast áður en maður fer!
hvað með ykkur hérna á spjallinu? hvernig gengur allt?
endilega halda þessari umræðu gangandi..

Já, þetta er bara allt að smella hjá ykkur. Heppin að fá húsgögnin og allt, munar sko um það!
Maðurinn minn fer 15. jan. og er að leita að leiguherbergi til að byrja með, meðan hann verður einn úti.
Hvaða pappírum eruð þið að redda áður en þið farið?
Við erum að reyna að redda okkur norskri orðabók en þær virðast ekki vera til en það er hægt að kaupa tölvuorðabók með mörgum tungumálum en hún kostar 15.000

Ég og familían erum líka að fara til Norge í byrjun árs. Verðum rétt fyrir utan Stavanger. Úfff ég er alveg með hnút í maganum af spenningi Þetta hefur alltaf verið á stefnuskránni hjá mér en einhvernvegin alltaf dregist á langinn. Kallinn sagði upp á fimmtudeginum í síðustu viku og var búinn að græja allt (með mikilli hjálp vinnuveitandans úti) á sunnudeginum Vinnu fyrir okkur bæði, leikskólapláss og hús m/húsgögnum þar til við finnum okkar eigið. Svo nú er aðalhöfuðverkurinn að skipuleggja flutningana, hvort að það borgi sig að flytja bílinn út, hvað skal taka með af búslóðinni o.s.frv.
Vitiði hvort að það sé eitthvað íslendingafélag þarna úti?

já vá æði hvar verði þið? við verðum nefnilega líka rétt fyrir utan stavanger en voðalega erum við að lenda á góðum vinnuveitendum við erum að reyna eins og við getum að losa okkur við bílinn áður en við förum,flutningurinn á bílnum kostar 119 þús seinast þegar ég athugaði, og svo er rándýrt að vera með hann þarna úti..en ég held að það sé íslendingafélag í stavanger,er samt ekki alveg pottþétt á því.

Bærinn heitir Tau og er í c.a. korters fjarlægð frá Stavanger með ferju. Við erum með 2 bíla og erum einmitt að reyna að losa okkur við þann dýrari en erum að spá í að taka "drusluna" með . En við viljum endilega vera á bíl þarna úti því að við erum með eina dóttur sem verður 2 ára í apríl og svo er annað væntanlegt í endan maí. Æ mér finnst svo mikið öryggi falið í því að vera á bíl ef maður þyrfti að fara með börnin veik til læknis eða eitthvað þess háttar.
En já, þar sem við erum að fara að flytja þarna í hús sem er í raun klárt með öllu... húsgögnum og öðrum húsbúnaði þá þurfum við bara fötin okkar og aðra persónulega muni og ef við tökum bílinn þá ætlum við að sjá hvort að við getum ekki bara troðið því inní bílinn og nýtt ferðina .

Það er Íslendingafélag í Stavanger en heimasíðan er óvirk.
Hafið þið athugað með búslóðaflutninga hjá Atlantsskipum? Ég hef heyrt að þeir séu ódýrastir

Hæ hæ

Er svo forvitin að vita hvernig ykkur gekk sem voruð að flytja út. Ég er mikið að spá í að flytja út næsta sumar þegar ég er búin með skólann og langar svo að fá fréttir af lífinu ykkar þarna úti